ಸಂಘಟನಾ ಚತುರನಿಗೆ ಒಲಿದ ಕಾಫಿನಾಡು ಕಾಂಗ್ರೆಸ್ ಸಾರಥ್ಯ

ಚಿಕ್ಕಮಗಳೂರು ಜಿಲ್ಲಾ ಕಾಂಗ್ರೆಸ್ ನೂತನ ಅಧ್ಯಕ್ಷರಾಗಿ ಪಕ್ಷದ ಕಟ್ಟಾಳು, ಸಂಘಟನಾ ಚತುರ ಎಂದೇ ಹೆಸರಾದ ಎಚ್.ಪಿ. ಮಂಜೇಗೌಡ ಅವರನ್ನು ಎಐಸಿಸಿ ಅಧಿಕೃತವಾಗಿ ಆಯ್ಕೆ ಮಾಡಿದೆ. ಕಳೆದ ಹಲವು ದಿನಗಳಿಂದ ಜಿಲ್ಲೆಯ ನಾಯಕತ್ವದ ಪಟ್ಟಕ್ಕಾಗಿ ಘಟಾನುಘಟಿಗಳು ಹಾಗೂ ಪ್ರಬಲ ಆಕಾಂಕ್ಷಿಗಳ ನಡುವೆ ತೀವ್ರ ತೆರೆಮರೆಯ ಕಸರತ್ತು ನಡೆದಿತ್ತು. ಈ ಎಲ್ಲಾ ಪೈಪೋಟಿಗಳಿಗೆ ತೆರೆ ಎಳೆದ ಹೈಕಮಾಂಡ್, ಅಂತಿಮವಾಗಿ ಮಂಜೇಗೌಡ ಅವರ ಹೆಗಲಿಗೆ ಜಿಲ್ಲೆಯ ಸಾರಥ್ಯವನ್ನು ಹೊರಿಸಿದ್ದು, ಈ ಕುರಿತು ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ. ವೇಣುಗೋಪಾಲ್ ಆದೇಶ ಹೊರಡಿಸಿದ್ದಾರೆ.